فصلوں کی زیادہ پیداوار کیلئے زہر آلود کیمیکلز کا استعمال

کراچی : پاکستان میں فصلوں کی جلد پیدوار اور زیادہ منافع کے لالچ میں بعض کاشتکار مبینہ طور پر زہر آلود کیمیکل سے بنی کھادیں استعمال کرتے ہیں۔

متعلقہ محکمے کی نااہلی اور کرپشن کے باعث نقلی اور غیر معیاری زرعی ادویات، کھاد اور غیرتصدیق شدہ مختلف فصلوں کے بیج استعمال کیے جارہے ہیں۔

اسی لیے یہ شارٹ کٹ کاشت کاروں کو کافی مہنگا پڑسکتا ہے، اس کے علاوہ مٹی کی پیداواری صلاحیت متاثر ہورہی ہے اور اس کی طاقت بھی ختم ہورہی ہے کیونکہ کیڑے مار ادویات پیداواری صلاحیت متاثر کررہی ہیں۔

اس حوالے سے اے آر وائی نیوز کے پروگرام باخبر سویرا میں یونیورسٹی آف ملتان کے پروفیسر ڈاکٹر تنویر الحق نے کہا کہ کیمیکل زدہ کھادوں سے نہ صرف مضر صحت فصل تیار ہوتی ہے بلکہ ایسی ادویات زمین کی زرخیزی کیلئے بھی کسی تباہی سے کم نہیں۔

انہوں نے بتایا کہ ملک کے مختلف مقامات پر سیوریج کے گندے پانی سے بھی غیر قانونی طور پر سبزیوں کی کاشت کی جارہی ہے یہ سبزیاں انسانی صحت کیلئے انتہائی مضر صحت ہوتی ہیں۔

ان کا مزید کہنا تھا کہ اس طرح کی مضر صحت فصلوں کی روک تھام اور اس کے سد باب کیلیے متعلقہ اداروں کو مؤثر کارروائی کرنے کی ضرورت ہے۔

from ARYNews.tv | Urdu – Har Lamha Bakhabar https://ift.tt/9RWmqD0