اے آر وائی ڈیجیٹل کے مقبول ڈرامہ سیریل ’بیٹیاں‘ میں ’انعم‘ اداکاری کے جوہر دکھانے والی اداکارہ تانیہ حسین نے ’مقدر کا ستارہ‘ کے سیٹ سے نئی تصاویر شیئر کردیں۔
ڈرامہ سیریل ’مقدر کا ستارہ میں تانیہ حسین ’رمشا‘ کا منفی کردار نبھا رہی ہیں ان کے کردار کو مداحوں کی جانب سے سراہا جارہا ہے۔
اداکاہ نے ڈرامے کے سیٹ سے کچھ تصاویر شیئر کیں جس میں انہوں نے کردا کی مناسب سے مغربی لباس زیب تن کیا ہوا ہے۔
تصاویر شیئر کرتے ہوئے اداکارہ نے لکھا کہ ’رمشا‘ اور ’دل‘ کی ایموجی بھی بنائی۔
آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، بابر علی (صفدر، فیضان کے والد)، نادیہ حسین (فیضان کی والدہ)، لائبہ خان (ہادیہ کی بہن) تانیہ حسین (رمشا)، سلمی حسن ودیگر شامل ہیں۔
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔
’مقدر کا ستارہ‘ کی کہانی پوش گھرانے سے تعلق رکھنے والے فیضان کے اور متوسط طبقے کی لڑکی ہادیہ کے گرد گھومتی ہے، فیضان (بگڑے بیٹے) کو سدھارنے کے لیے گھر والے قریبی دوست کے گھر ان کی بیٹی ہادیہ کا رشتہ لے کر جاتے ہیں لیکن وہ اس شادی پر راضی نہیں ہیں اور اپنی دوست رمشا سے محبت کرتے ہیں دوسری جانب ہادیہ بھی انہیں پسند نہیں کرتی ہیں۔‘
گزشتہ قسط میں دکھایا گیا کہ ’رمشا اپنی والدہ کو فیضان کے والد صفدر کے ساتھ ڈیل کرنے کا ذکر کررہی ہیں اور انہیں دھوکا دینے کا منصوبہ بنا رہی ہیں۔
دو روز قبل اداکارہ تانیہ حسین نے اپنے کردار سے متعلق کہا تھا کہ ’رمشا ایک ایسا کردار ہے جو کسی بھی دوسرے کردار سے مختلف ہے جو میں نے اس سے پہلے کیا ہے۔
واضح رہے کہ ’مقدر کا ستارہ‘ کو روزانہ شام 7 بجے اے آر وائی ڈیجیٹل پر نشر کیا جاتا ہے۔
from ARYNews.tv | Urdu – Har Lamha Bakhabar https://ift.tt/6FzoKnJ
0 تبصرے