کراچی : شہر قائد کی سیاست میں تبدیلی کی ہوا چل پڑی، مصطفیٰ کمال کے بعد ڈاکٹرفاروق ستار بھی گورنر ہاؤس پہنچ گئے۔

اس حوالے سے ذرائع کا کہنا ہے کہ ایم کیو ایم بحالی کمیٹی کے سربراہ ڈاکٹر فاروق ستار نے گورنر ہاؤس جاکر گورنر سندھ کامران ٹیسوری سے ملاقات کی۔

ملاقات میں ملک کی سیاسی صورتحال کے علاوہ خصوصی طور پر شہر قائد میں ترقیاتی منصوبوں پر بات چیت کی گئی۔

ذرائع کا کہنا ہے کہ گورنر سندھ پہلے بھی تمام لوگوں کو ملانے کی بات کرچکے ہیں، اسی تناظرمیں صبح مصطفیٰ کمال اور اس کے بعد فاروق ستار سے ملاقات ہوئی ہے۔

کراچی کی سیاست میں تبدیلی، مصطفیٰ کمال گورنر ہاؤس پہنچ گئے

ذرائع کے مطابق دونوں شخصیات کی ملاقات میں شہر کی ترقی، سلامتی اور استحکام کیلئےمل کرچلنے اور ساتھ دینے پر بھی اتفاق کیا گیا۔

ملاقات میں پی ایس پی سربراہ مصطفیٰ کمال سے ہونے والی ملاقات پربھی تبادلہ خیال کیا گیا، صوبے میں مہاجر سیاست کرنے والی تنظیموں کو ایک جگہ کرنے سے متعلق جلد بڑے بریک تھرو کا امکان ہے۔



from ARYNews.tv | Urdu – Har Lamha Bakhabar https://ift.tt/XGnFLm2