عمر رسیدہ شخص کا سائیکل چلانے کا خطرناک انداز، ویڈیو وائرل

سڑک پر تیز رفتاری سے سائیکل یا موٹر سائیکل چلانا بہت خطرناک ثابت ہوسکتا ہے لیکن ایک عمر رسیدہ شخص ایسا بھی ہے جس کو اپنی سواری پر اتنا کنٹرول ہے کہ وہ ہینڈل چھوڑ کر تیز رفتاری سے سائیکل چلانے سے بالکل نہیں گھبراتا۔

خاص طور پر موٹر سائیکل سوار افراد یہ بات اچھی طرح جانتے ہیں کہ بارش کے موسم میں موٹر سائیکل کا سڑک پر پھسل جانا ایک عام سی بات ہے جس کا مشاہدہ اکثر ہوتا رہتا ہے۔

سوشل میڈیا پر ایسے ہی ایک عمر رسیدہ شخص کی ماہرانہ انداز میں سائیکل چلانے کی ویڈیو وائرل ہوگئی ہے جس میں بارش سے بھیگی ہوئی سڑک پر ہاتھ چھوڑ کر سائیکل چلارہے ہیں۔

Enjoy every moment pic.twitter.com/sOujOxmEfD

— ज़िन्दगी गुलज़ार है ! (@Gulzar_sahab) November 29, 2022

زندگی گلزار ہے نامی ٹویٹر صارف نے ایک بڑی عمر کے شخص کی بارش میں سائیکل چلاتے ہوئے کرتب دکھانے کی ویڈیو شیئر کی ہے، ویڈیو میں بزرگ شخص کو اپنے ہاتھوں کو اوپر اٹھاتے ہوئے دکھایا گیا ہے جب اس نے اپنے ہاتھوں کی مدد کے بغیر سائیکل کو متوازن کرنے کی کوشش کی۔

صارفین نے اس ویڈیو کو دیکھ کر خوشگوار حیرت کا اظہار کیا ہے ان کا کہنا ہے کہ ان کے زندہ دل جذبہ اور جوش دلچسپی کے لائق ہے۔

سوشل میڈیا پر26سیکنڈ کے اس ویڈیو کلپ کے کیپشن میں لکھا ہوا ہے کہ ہر لمحے سے لطف اندوز ہوں، ویڈیو کو 50 ہزار سے زائد صارفین نے دیکھا اور پسند کیا۔

from ARYNews.tv | Urdu – Har Lamha Bakhabar https://ift.tt/Kht4wmI