دورانِ پرواز پی آئی اے کے طیارے میں فنی خرابی

اسلام آباد سے جدہ جانے والی پی آئی اےکی پرواز کو فنی خرابی کے باعث کراچی میں اتار لیا گیا۔

تفصیلات کے مطابق پی آئی اے کی پرواز پی کے 741 میں دورانِ پرواز فنی خرابی پر کپتان نے کنٹرول ٹاور سے رابطہ کیا اور کراچی ایئرپورٹ پر لینڈنگ کی اجازت طلب کی۔

کنٹرول ٹاور سے اجازت ملنے پر پی آئی اے کے طیارے کو بحفاظت کراچی ایئرپورٹ پر اتار لیا گیا۔

پی آئی اے انتظامیہ کا کہنا ہے کہ مسافروں کو لاونچ منتقل کر دیا گیا ہے اور طیارےکی خرابی دور ہوتے ہی پرواز کو جدہ روانہ کر دیا جائے گا۔

انتظامیہ کی جانب سے مسافروں کو فی الحال فنی خرابی کے ٹھیک ہونے میں لگنے والے وقت کا نہیں بتایا گیا اور اس نے انتظار کرنے کا کہا گیا ہے۔

from ARYNews.tv | Urdu – Har Lamha Bakhabar https://ift.tt/gZ2Cm6f