قبل از وقت انتخابات ملکی مفاد میں نہیں، بلاول بھٹو

وزیر خارجہ بلاول بھٹو نے کہا ہے قبل از وقت انتخابات ملکی مفاد میں نہیں عمران خان بلا جواز احتجاج سے ملک کو نقصان پہنچا رہے ہیں۔

وزیر خارجہ بلاول بھٹو زرداری جو ان دنوں امریکا کے دورے پر موجود ہیں نے ایک امریکی ٹی وی کو انٹرویو دیتے ہوئے کہا ہے کہ موجودہ صورتحال میں قبل از وقت انتخابات ملکی مفاد میں نہیں۔

وزیر خارجہ نے کہا کہ حکومت سے نکلنے کے بعد سے عمران خان جلد انتخابات کے لیے کہہ رہے ہیں اور وہ بلا جواز احتجاج سے ملک کو نقصان پہنچا رہے ہیں۔

بلاول بھٹو نے مزید کہا کہ سیلاب سے پاکستان میں بڑے پیمانے پر تباہی ہوئی۔ سیلاب کے بعد بحالی کیلیے عالمی برادری کے تعاون کی ضرورت ہے۔ ضروری ہے عالمی اداروں سے بہتر انداز میں معاملات طے کریں۔

ان کا کہنا تھا کہ یوکرین جنگ نے خطے کی معیشت کو متاثر کیا ہے۔ عالمی برادری کو خوراک کا تحفظ یقینی بنانا ہوگا۔

from ARYNews.tv | Urdu – Har Lamha Bakhabar https://ift.tt/kEZ4bUY