لیاری : پولیس کا چھاپہ، خاتون دل کا دورہ پڑنے سے جاں بحق

کراچی : لیاری ٹاؤن کے ایک گھر میں پولیس چھاپے کے دوران خاتون خانہ دل کا دورہ پڑنے سے جاں بحق ہوگئی۔

اس حوالے سے پولیس حکام کا کہنا ہے کہ مطلوب ملزم کی موجودگی کی اطلاع پر گھر پر چھاپہ مارا گیا تھا اس موقع پر ملزم نے وہاں سے فرار ہونے کی کوشش کی۔

چھاپہ کے دوران ملزم اور پولیس اہلکاروں کے درمیان جھڑپ بھی ہوئی جس سے گھبرا کر خاتون کو دل کا دورہ پڑا جو جان لیوا ثابت ہوا۔

یاد رہے کہ اس سے قبل بھی رواں سال فروری میں سادہ لباس اور پولیس کی وردی میں ملبوس اہلکار فیڈرل بی ایریا کے ایک مکان میں سیڑھی لگا کر داخل ہوئے۔

انہوں نے عزیز نامی شخص اور اس کے بیٹے کو حراست میں لے لیا تھا چھاہے کے دوران عزیز کی اہلیہ دول کا دورہ پڑنے سے خالق حقیقی سے جاملی۔

بعد ازاں عزیز نامی شخص کے بیٹے نے پہلے 15 کو اور یوسف پلازہ پولیس کو تمام صورتحال سے آگاہ کیا اور اپنی والدہ کی تدفین کی تیاری میں لگ گیا۔

نامعلوم پولیس پارٹی کو اس بات کا علم ہو گیا تھا کہ حراست میں موجود عزیز نامی شخص کی اہلیہ انتقال کرگئی جس پر ایک لمبے سفر کے بعد انہیں سپر ہائی وے پر سبزی منڈی کے پاس چھوڑ دیا گیا۔

from ARYNews.tv | Urdu – Har Lamha Bakhabar https://ift.tt/AqYmHEj