فیفا ورلڈ کپ، افتتاحی میچ ایکواڈور نے جیت لیا

قطر میں دنیا کے سب سے مقبول کھیل فٹبال کا ورلڈ کپ شروع ہوگیا افتتاحی میچ ایکواڈور نے جیت لیا میزبان ٹیم کو صفر کے مقابلے میں دو گول سے شکست دی۔

فیفا ورلڈ کپ کا افتتاح میچ ایکواڈور نے میزبان قطر کو شکست کا سامنا کرنا پڑا۔ فاتح ٹیم نے صفر کے مقابلے میں دو گول سے جیت پائی۔ دونوں گول ایکواڈور کے کپتان ویلنسیا نے کیے۔

ایکوا ڈور نے ابتدا سے ہی جارحانہ کھیل کا مظاہرہ کیا اور میزبان قطر کو آؤٹ کلاس کردیا۔ فاتح کپتان ویلنسیا نے پہلے ہاف کے سولہویں منٹ میں پنالٹی کک پر پہلا گول کیا جب کہ اسی ہاف میں دوسری بار گیند گول پوسٹ میں پہنچا کر ٹیم کی برتری دگنی کردی۔

دوسرے ہاف میں قطر نے بہتر کھیل کا مظاہرہ کیا، مگر کوئی کھلاڑی گیند کو جال میں نہ پہنچا سکا یوں ایکواڈور نے میچ دو صفر سے جیت لیا۔

ایونٹ میں آج دو میچز کھیلے جائیں گے۔ پہلا میچ انگلینڈ اور ایران کے درمیان ہوگا جب کہ دوسرے میچ میں سینیگال اور نیدرلینڈز کی ٹیمیں مدمقابل ہوں گی۔

میگا ایونٹ کے تمام میچز پاکستان کے پہلے ایچ ڈی چینل اے اسپورٹس اور اے آر وائی زیپ پر براہ راست دیکھیں۔

from ARYNews.tv | Urdu – Har Lamha Bakhabar https://ift.tt/mg7QIKr