دوحہ: قطر میں جاری فیفا ورلڈ کپ کا فائنل اتوار کو دفاعی چیمپئن فرانس اور لائنل میسی کی ارجنٹینا کے درمیان کھیلا جائے گا۔

فٹبال کے عالمی کپ سے جڑی دلچسپ ویڈیو سوشل میڈیا پر وائرل ہوئیں جسے سوشل میڈیا صارفین کی جانب سے خوب سراہا گیا اور اس پر دلچسپ تبصرے بھی کیے گئے۔

میچ کے بعد کئی مواقع ایسے آئے کہ اپنی ٹیم کی کامیابی پر مداح خوشی سے آبدیدہ ہوگئے تو گزشتہ روز کھیلے گئے دوسرے سیمی فائنل میں مراکش کے مداح اپنی ٹیم کی شکست پر آبدیدہ ہوگئے۔

فیفا ورلڈ کپ میں رونالڈو کی پرتگال مراکش کے ہاتھوں اپ سیٹ شکست کے بعد ایونٹ سے باہر ہوگئی تھی، مراکش کی جانب سے یوسف النصیری نے گول اسکور کیا۔

فیفا ورلڈ کپ کا سحر ڈبلیو ڈبلیو انٹرنٹیمنٹ تک بھی جاپہنچا ہے کیونکہ ڈبلیو ڈبلیو ای کے ہیوی ویٹ چیمپئن رومن رینز کے منیجر پال ہے مین نے رونالڈو سے متعلق ایک ٹوئٹ کیا ہے جو وائرل ہورہا ہے۔

ریسلنگ میں ’بگ ڈوگ‘ کے نام سے مشہور رومن رینز کے منیجر نے لکھا کہ ’رونالڈو بھی ہمارے ٹرائبل چیف کے ساتھ ہیں, انہوں نے اپنے ٹوئٹ میں کرسٹیانو رونالڈو اور رومن رینزکو مینشن بھی کیا۔‘

ان کا یہ ٹوئٹ شیئر ہوتے ہی وائرل ہوگیا اس پر انہیں تنقید کا نشانہ بنایا جارہا ہے اسٹار فٹبالر کے مداحوں نے لکھا کہ ’رونالڈو کی فین فالوئنگ کے آگے ’ٹرائبل چیف‘ کچھ بھی نہیں۔ دوسری جانب رومن رینز کو پسند کرنے والے مداح ان کے لیے تعریفی کمنٹس بھی کررہے ہیں۔



from ARYNews.tv | Urdu – Har Lamha Bakhabar https://ift.tt/Sq3xfsy