اسپیکر نے صدر کو گورنر پنجاب تبدیل کرنے کی درخواست کردی

اسپیکر پنجاب اسمبلی سبطین خان نے گورنر کے مس کنڈکٹ کیخلاف صدر مملکت کو خط لکھ دیا ہے جس میں ان سے گورنر تبدیل کرنے کی درخواست کی ہے۔

پنجاب میں سیاسی صورتحال انتہائی گھمبیر ہوگئی ہے اور گورنر کی جانب سے اسپیکر کی رولنگ مسترد کیے جانے کے بعد اسپیکر پنجاب اسمبلی نے بھی گورنر بلیغ الرحمٰن کے مس کنڈکٹ کے خلاف صدر مملکت کو خط لکھ دیا ہے۔

ذرائع کے مطابق اسپیکر پنجاب اسمبلی سبطین خان نے صدر مملکت ڈاکٹر عارف علوی کو گورنر پنجاب بلیغ الرحمٰن کے مس کنڈکٹ کے خلاف خط لکھا ہے جس میں ان سے گورنر کو تبدیل کرنے کی درخواست کی گئی ہے۔

ذرائع کا کہنا ہے کہ اسپیکر نے خط میں صدر مملکت کو گورنر کے غیر آئینی اقدام کی نشاندہی کی اور کہا کہ گورنر صدر مملکت کا نمائندہ ہے۔ اسے آئین شکنی سے روکا جائے۔

from ARYNews.tv | Urdu – Har Lamha Bakhabar https://ift.tt/RXupGBQ