انگلینڈ نے کوارٹر فائنل کا ٹکٹ کٹا لیا، سینیگال کو شکست

فیفا ورلڈ کپ 2022 کے ناک آؤٹ مرحلے میں پری کوارٹر فائنل کے مقابلے جاری ہیں انگلینڈ نے سینیگال کو شکست دے کر کوارٹر فائنل میں رسائی حاصل کرلی۔

اے آر وائی نیوز کے مطابق قطر میں جاری دنیا کے سب سے مقبول کھیل فٹبال ورلڈ کپ کے ناک آؤٹ مرحلے کے سنسنی خیز مقابلے جاری ہیں۔

گزشتہ روز انگلینڈ نے سینیگال کو آؤٹ کلاس کردیا اور تین صفر نے فتح اپنے نام کرکے اگلے مرحلے تک رسائی حاصل کرلی جب کہ سینیگال ایونٹ سے باہر ہوگیا۔

انگلینڈ میچ میں شروع سے ہی سینیگال پر حاوی رہا اور پہلے ہاف میں انگلش فٹبالر ہینڈرسن اور ہیری کین نے گول اسکور کیے۔ دوسرے ہاف میں ساکا نے مزید ایک گول کرکے اپنی ٹیم کی فتح کو یقینی بنایا۔

سینیگال کے کھلاڑیوں نے کئی بار گیند کو مخالف گول پوسٹ میں پہنچانے کی کوشش کی لیکن ناکامی ہوئی اور تین صفر سے ہار کے بعد ٹیم ایونٹ سے باہر ہوگئی۔

اس سے قبل کھیلے گئے میچ میں دفاعی چیمیئن فرانس نے پولینڈ ایک کے مقابلے میں تین گول سے شکست دے ٹرافی کی جانب ایک قدم اور بڑھا دیا۔

فیفا ورلڈ کپ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔

from ARYNews.tv | Urdu – Har Lamha Bakhabar https://ift.tt/pB8RVjy