سوناکشی کی والدہ بچن سے انہیں کیا مشورہ دیتی آئی ہیں؟

ممبئی: بالی وڈ کی نامور اداکارہ سوناکشی سنہا نے انکشاف کیا کہ میری والدہ مجھے مسلسل وزن کم کرنے کے لیے کہتی رہیں اور میں نے ہمیشہ اس کے برعکس کیا۔

سوناکشی سنہا حال ہی میں فلم ’ڈبل ایکس ایل‘ میں نظر آئیں۔ انہوں نے ایک انٹرویو میں بتایا کہ مجھے یاد ہے کہ والدہ نے بچپ سے اکثر وزن کم کرنے کا کہا لیکن میں نے ایک نافرمان اولاد کی طرح ہمیشہ اس کے برعکس عمل کیا۔

اداکارہ نے کہا: ’جب والدہ نے وزن کم کرنے کا کہنا چھوڑ دیا تو مجھے احساس ہوا کہ مجھے اب وزن کے بارے میں کچھ کرنے کی ضرورت ہے۔‘

سوناکشی نے بتایا کہ میں نے وزن کم کرنے کا کام گھر سے ہی شروع کیا، والدہ نے ’ڈبل ایکس ایل‘ دیکھ کر وزن میں کمی محسوس کی۔

یاد رہے کہ ’ڈبل ایکس ایل‘ میں سوناکشی سنہا کے ساتھ ہما قریشی اور ظہیر اقبال نے بھی مرکزی کردار ادا کیا۔ اس فلم کو سامعین اور ناقدین کی طرف سے ملے جھلے ردعمل موصول ہوئے۔

from ARYNews.tv | Urdu – Har Lamha Bakhabar https://ift.tt/FKDlMG2