آسٹریلیا کے جارح مزاج بیٹر ڈیوڈ وارنر کی اداکارہ رشمیکا مندانہ بننے کی مزاحیہ ویڈیو سوشل میڈیا پر وائرل ہوگئی۔
آسٹریلوی ٹیم کے اوپنر بیٹر ڈیوڈ وارنر بالی ووڈ اور ساؤتھ انڈین فلموں کے اداکاروں کی مزاحیہ ویڈیو بنا کر شیئر کرتے ہیں جسے سوشل میڈیا صارفین کی جانب سے پسند کیا جاتا ہے۔
اس سے قبل وارنر نے ساؤتھ انڈین سپر اسٹار اللو ارجن کی فلم ’پشپا‘ کے مشہور گانے پر ویڈیو بنائی تھی جو سوشل میڈیا پر وائرل ہوگئی تھی۔
View this post on Instagram
وارنر نے اللو ارجن کو مخاطب کرتے ہوئے لکھا کہ ’کاش میں ہوتا، اداکاری بہت ہی آسان ہے۔ انہوں نے فلم کے مشہور گانے ’سریولی‘ کی دھنوں پر رقص کیا تھا۔‘
اب انہوں اداکارہ رشمیکا مندانہ کے مشہور گانے پر مزاحیہ ویڈیو بنائی اور ساتھ ہی اداکارہ کو مخاطب کرتے ہوئے ان سے معذرت بھی کرلی۔
ویڈیو میں آسٹریلوی کرکٹرز کو اداکارہ کے گانے پر رقص کرتے دیکھا جاسکتا ہے کہ ویڈیو میں وارنر نے ٹیکنالوجی کا استعمال کرتے ہوئے رشمیکا کی جگہ اپنا چہرہ لگا رکھا ہے۔‘
View this post on Instagram
مزاحیہ ویڈیو پر سابق بھارتی آل راؤنڈر یووراج سنگھ نے مسکراتے ہوئے لکھا کہ ’اچھے نہیں لگ رہے۔‘
ان کی یہ ویڈیو سوشل میڈیا پر تیزی سے وائرل ہورہی ہے اور اسے انسٹاگرام پر ہزاروں کی تعداد میں مداح دیکھ چکے ہیں اور دلچسپ کمنٹس بھی کررہے ہیں۔
واضح رہے کہ ڈیوڈ وارنر انگلینڈ کے خلاف کھیلی جانے والی حالیہ ون ڈے سیریز کا حصہ ہیں آج کھیلے گئے پہلے ون ڈے میچ میں وارنر شاندار 86 رنز کی اننگز کھیلی تھی۔
from ARYNews.tv | Urdu – Har Lamha Bakhabar https://ift.tt/52yoZNq
0 تبصرے