Breaking news

ٹی 20 ورلڈ کپ، بڑا اپ سیٹ، جنوبی افریقہ نیدر لینڈ سے ہار گیا

ایڈیلیڈ کرکٹ گراؤنڈ میں کھیلے گئے سپر 12 کے اہم میچ میں نیدر لینڈ نے جنوبی افریقہ کو ہرا کر ٹورنامنٹ کا بڑا اپ سیٹ کردیا ہے، نیدر لینڈ کی اس جیت سے اسے کوئی فائدہ نہیں ہوا لیکن پاکستان کے سیمی فائنل میں پہنچنے کے امکانات کافی روشن ہوگئے ہیں۔

نیدر لینڈ کی جانب سے دیے گئے 159 رنز کے  ہدف کے تعاقب کرنے میں جنوبی افریقی بیٹرز ناکام رہے اور مضبوط ٹیم 20 اوورز میں 8 وکٹوں کے نقصان پر صرف 145 رنز ہی بناسکی کوئی بھی کھلاڑی نصف سنچری اسکور نہ کرسکا۔

جنوبی افریقہ کی جانب سے رلی روسو 25 رنز بنا کر ٹاپ اسکورر رہے، کلاسین نے 21 اور ٹیمبا نے 20 رنز اسکور کیے۔

نیدر لینڈ کے برینڈن گلوور نے جنوبی افریقہ کی بیٹنگ کو دھچکا پہنچایا اور صرف 9 رنز دے کر 3 قیمتی وکٹیں حاصل کیں، فریڈ کلاسین اور ڈیلی نے دو دو کھلاڑی آؤٹ کیے، میکرین کے حصے میں ایک وکٹ آئی۔

نیدر لینڈ کے بیٹر ایکر میں کو مین آف دی میچ قرار دیا گیا۔

اس سے قبل جنوبی افریقہ نے ٹاس جیت کر پہلے فیلڈنگ کا فیصلہ کیا، نیدر لینڈ نے مقررہ 20 اوورز میں 4 وکٹوں کے نقصان پر 158 رنز بنائے، ایکرمین نے ناقابل شکست 41 رنز بنائے، اسٹیفن نے 37 اور کوپر نے 35 رنز جوڑے۔

جنوبی افریقہ کی جانب سے مہاراج نے دو، اینرچ اور میکرم نے ایک ایک کھلاڑی کو آؤٹ کیا۔

اس میچ کے بعد پاکستان اور بنگلہ دیش میچ کا فاتح بھارت کے ساتھ سیمی فائنل میں جاسکتا ہے۔

آسٹریلیا میں جاری ٹی ٹوئنٹی ورلڈ کپ کے سپر 12 مرحلے کے فیصلہ کن میچ میں نیدر لینڈ نے ٹورنامنٹ کی مضبوط ٹیم جنوبی افریقہ کو شکست دے کر بڑا اپ سیٹ کردیا۔

خبر اپ ڈیٹ کی جا رہی ہے



from ARYNews.tv | Urdu – Har Lamha Bakhabar https://ift.tt/whx7OJm

ایک تبصرہ شائع کریں

0 تبصرے